شاهد.. عبد الرحيم علي أول من قدم الدليل على تسليح اعتصام رابعة

مع عرض مسلسل الاختيار 2 الحلقة الخامسة، الذي تناول تفاصيل فض اعتصام جماعة الإخوان الإرهابية المسلح في مدينة نصر يوم 14 أغسطس 2013م، والذي شهد أحداث عنف مسلح من الجماعة وأنصارها في الاعتصام المسلح ووثق ذلك بالصوت والصورة.

وكان الكاتب الصحفي عبدالرحيم علي، رئيس مجلس إدراة ورئيس تحرير "البوابة نيوز" أول من كشف تسليح الجماعة الإرهابية واعتصام رابعة، عبر برنامجه الصندوق الأسود المذاع على فضائية القاهرة والناس، في الحلقة التي تزامنت مع الاعتصام المسلح، والتي عرضت يوم 8 أغسطس 2020 وأثبت فيها تسليح الجماعة الإرهابية في الاعتصام.

وكشف رئيس مجلس إدارة ورئيس تحرير البوابة نيوز، عبر برنامجه الصندوق الأسود، المذاع علي فضائية القاهرة والناس، عن مكالمة صوتية بين صفوت حجازي وحازم صلاح أبو إسماعيل، تكشف وجه ميدان رابعة الحقيقي وتسليحه.

وأذاع عبدالرحيم علي، مكالمة بين حازم صلاح أبو إسماعيل وصفوت حجازي كشف وجه ميدان رابعة الحقيقي وتسليحه

وجاء في نصها التالي:

صفوت حجازي: السلام عليكم

حازم أبو إسماعيل: أهلًا ومرحبًا وعليكم السلام ورحمة الله وبركاته

حازم أبو إسماعيل: الحقيقة انتهيت متأخر من مكالمة فاتصلت بحضرتك بس الوقت كان متأخر جدًا

صفوت حجازي: معلش والله سامحني احنا كنا في رابعة قاعدين مسمعتش .

حازم أبو إسماعيل: ربنا معاكم

حجازي: إزي حضرتك

حازم أبو إسماعيل: الحمد لله رب العالمين طمني على الأخبار مشية كويس الحمدلله

حجازي: والله الحمدلله رب العالمين أنا طلبت حضرتك لأن الناس كلها بتسألني عليك الشيخ حازم فين

حازم أبو إسماعيل : أيوه طبعًا

حجازي : أنا مش عارف أقولهم إيه ..ههههه حبيت اتصل بيك اسألك أقولهم إيه ..كل الناس الكبار حتي ، الشباب الصغيرين، يعني الشباب إمبارح موجودين طلاب الشريعة وشباب من حازمون وكل الناس.

حازم أبو إسماعيل: صحيح هو بس الفكرة هو عدم وضوح المسار شوية هو اللي مخلي الواحد مش عارف زي يوم 25 يناير، هو نفس المشكلة 25 يناير اللي هي الصورة الحقيقة لما بتبقي فيها إبهام بيبقي المسائل الحقيقة غير جيدة، فأنا مش عارف هما ناوين يعملوا إيه لغاية دلوقتي المسألة زي ما بنسمع متجهة إلى الوصول الى تنازلات وحل وسط واتفاقات وكلام زي كده.

حجازي: أنا المعلومة اللي عندي، واللي أنا بشتغل عليها، والمعلومة الصادقة الوحيدة اللي عندي، إني احنا في رابعة العدوية لو حدث اقتحام للقصر هنروح القصر وللي جوه هندبحه.

حازم أبو إسماعيل: آه آه.

حجازي: ده المعلومة اللي عندي وأنا نازل معايا سلاح مرخص بتاعي سلاح حي.

حازم أبو إسماعيل: آه آه.

حجازي  وكل الناس اللي معايا بالشكل ده لكن مسألة أن يتم التنازل والتجاوب أن مرسي يسكت ده مسألة أنا شخصيًا يا شيخ حازم والناس اللي معايا دونها الرقاب.

حازم أبو إسماعيل: آه آه .

حجازي: ورابعة والشباب كلهم بتوع الجماعة الإسلامية وشباب كتير من الإخوان معاهم سلاح، معاهم سلاح فعلًا.

حازم أبو إسماعيل: بس ده بيتقبض على اللي معاهم سلاح أهم.

حجازي: مفيش حد اتقبض عليه خالص .. لا لا خالص.

حازم أبو إسماعيل: بيقولو في 17 في الإسكندرية اتقبض عليهم من البناء والتنمية.

حجازي: خالص خالص أنا اتصلت بالدكتور طارق الزمر مفيش حاجة كده.

حازم أبو إسماعيل: آه آه.. ربك كريم.

حجازي: لا إحنا عايزينك يا شيخ حازم يعني ،إنت قابلت الريس في اللقاء بتاع بالليل ده.

حازم أبو إسماعيل: لا لا لا، يعني هي الصورة الآن الحقيقة، بس الفكرة إنها موجهة إلي حد ما، والقصة في الضغوط اللي علي القائد موجودة، ده إن هيحصل، إنت عارف حضرتك ، أنا لا يعني يتطلب الأمر إلا وضوح الرؤية ، والتغيير الذي لا نعرف إيه هو بالضبط.

حجازي: تغير زي إيه؟

حازم أبو إسماعيل: لا يعني يحصل مثلًا بقى ضغط على الريس فيقعد معاهم ويحصل تنازل ما أو اتفاق ما معرفش إيه هو.

حجازي: زي إيه مثلًا؟

حازم أبو إسماعيل: يشيلوا الوزارة مثلًا ويشيلوا، والنائب العام ويعملوا معرفش إيه ويجيبوا البرادعي وحمدين صباحي.

صفوت حجازي: لا لا، أنا لا أظن الكلام ده حصل، وحتى لو حصل تغيير الحكومة لا أظن مسألة البرادعي ولا حمدين ولا الكلام ده صعب أوي.

حازم أبو إسماعيل: هو مش لازم الاثنين دول بالذات ممكن يكون إن عبدالفتاح السيسي يشكل الحكومة مثلًا.

صفوت حجازي: لا أنا معنديش أخبار من دي خالص، كل ده كلام بيتقال، لكن معنديش أي اخبار، اللي عندي إن الرئيس مسألة إسقاط الرئيس، ولا تنازله ولا دعوته لانتخابات مبكرة ولا الكلام ده ده غير مقبول إطلاقًا وغير مطروح إطلاقًا، ومسألة إقالة النائب العام برضه غير مقبولة وغير مطروحة، الحاجة الوحيدة اللي ممكن أن تطرح هي تغيير الحكومة، وده مطلبنا كلنا من الأول، لكن مسألة إن البرادعي يجي رئيس حكومة ده برضه مسألة مش مطروحة مش مطروحة خالص، يعني ديه تحديدًا أنا أكلمت فيها مع الرئيس .

حازم أبو إسماعيل: آه.

صفوت حجازي: قالي مستحيل.

حازم أبو إسماعيل: طب ... المظاهرات اللي في المحافظات دي يادكتور يعني حضرتك شايف إنها مش مشكلة ولا إإيه؟

صفوت حجازي: مفهاش مشكلة خالص.

وقال الكاتب الصحفي عبدالرحيم علي رئيس تحرير "البوابة نيوز"، إن القضية رقم 456 لسنة 2013 الخاصة بمجموعة الردع التي كونها الإخوان لاعتصام رابعة تبرز مدى دونية هذا الاعتصام.

حيث أكد أحد المتهمين في تلك القضية ويدعى عبدالرحمن بيومي، أن الاعتصام كان مسلحًا لحمايته من أي محاولة لإنهائه إضافة إلى وجود غرفة لتعذيب المواطنين ودفن جثثهم تحت الأرض.

وعرض الكاتب الصحفي عبد الرحيم علي رئيس تحرير موقع "البوابة نيوز"، عددًا من الفيديوهات توضح عنف جماعة الإخوان أثناء اعتصامهم في ميدان رابعة العدوية.

وكشف عبدالرحيم علي بدايات الاعتصام الإرهابي وجهود الإخوان في السيطرة على مصر بالسلاح، كاشفًا عن التأمر لتقطيع مصر من جهات مختلفة في القلب منها جماعة الإخوان الإرهابية

وعرض في حلقة أخر عن جهود قيادات الإرهاب والتهديدات التي واجهها الشعب المصري من قيادات الإخوان والجماعة الإسلامية الذين نزلوا للثورة على الإخوان في ثورة 30 لا سيما من الإرهابيين عاصم ماجد وطارق الزمر وصفوت حجازي.

وفي فيديو أخر كشف عبدالرحيم علي عن السبب الرئيسي في فض اعتصام رابعة الإرهابي، ورغبة المصريين في فض الاعتصام الإرهابي وخطورته، الذين نزلوا بالملايين ليفوضوا الجيش والشرطة في فض الاعتصام الإرهابي ومواجهة الإرهاب.